الجزیرې تلویزیوني شبکې خبر ورکړی، چې د غزې په شمال کې د صهیونیستي رژیم د عسکرو د کلابندۍ په پایله کې لسګونه زره فلسطینیان له لوږې او تندې سره مخ شوي دي.
دې شبکې وړاندې لیکلي، چې د صهیونیستي یرغلګرو د پرلپسې څو اونیو کلابندۍ او هوایي بریدونو له کبله تر ۱۰۰ زرو ډیر کسان خوړو، اوبو او درملو ته لاسرسی نه لري.
ددغه رژیم د عسکرو په هوایي او ځمکنیو بریدونو کې ملکي کورونه او پنډغالي په نښه کیږي او ژغورونکو ډلو ته د قربانیانو د ایستنې اجازه هم نه ورکول کیږي.
د صهیونیستي عسکرو په وروستیو بریدونو کې ماشومانو او مېرمنو ته ډېره مرګ ژوبله اوښتې ده.
د صهیونیستي رژیم کلابندۍ؛ فلسطیني وګړي له لوږې او تندې سره مخ کړي
