د افغانستان او بنګلهدېش کرېکټ ملي لوبډلو تر منځ نن (چهارشنبه، لړم ۱۶مه) د درې یو ورځنیو سیالیو لومړۍ لوبه ترسره کیږي.
دا سیالي به نن ماسپښین دوې نیمې بجې په شارجه لوبغالي کې پیل شي. دواړه لوبډلې به پاتې سیالۍ د روانې نومبر میاشتې په نهمه او یوولسمه ترسره کړي.
افغان لوبغاړي لا له وړاندې ابوظبي ته تللي وو او دې لوبلړۍ ته یې پوره تیاری نیولی.
دا په داسې حال کې ده، چې تازه د افغانستان الف لوبډلې د ایمرجېنګ جام اسیایي سیالۍ هم په خپل نوم کړې وې.