د هېواد کرېکټ ملي لوبډله د بنګلدېش پر وړاندې د روانې دوه اړخيزې لوبلړۍ دويمه لوبه نن د افغانستان پر وخت د ماسپين دوه نيمې بجې ترسره کوي.
افغان لوبډله په داسې حال کې د بنګله دېش پر وړاندې د سیالۍ ډګر ته ښکته کیږي، چې د روانې لوبلړۍ په لومړۍ سيالۍ کې یې بنګلدېش ته د ۹۲ منډو په توپير ماتې ورکړې ده. د يادونې وړ ده، چې د افغانستان او بنګلدېش ترمنځ د درېيو يو ورځنيو سياليو لړۍ د افغانستان په کوربتوب د متحده عربي امارتو په شارجې لوبغالي کې ترسره کېږي.