هرات کې د یوه کانال چارې پیل شوې

په هرات ښار کې د ۳۱ میلیونو او ۵۰۰ زرو افغانیو په ارزښت د یوه کانال چارې پیل شوې.
د هرات ښاروال ویلي، چې دغه کانال ۳ کیلومتره اوږدوالی لري، چې لګښت یې ددې ولایت د ښاروالۍ ریاست له لورې ورکول کیږي.
د هرات ښاروال زیاته کړې چې په دغه ولایت کې د سړکونو او کانالونو جوړولو نورې مهمې پروژې هم تر لاس لاندې لري.
د یادونې وړ ده، چې دغه پروژه به په څلورو میاشتو کې بشپړه شي او د هراتي ولس بنسټيزه ستونزه به هواره کړي.