د اوبو او انرژۍ وزارت د هېواد په “شمال او پنجامو” سينديزو حوزو کې سبا او بل سبا (يکشنبه،۱۱مه او دوشنبه، ۱۲مه) د شړکنده بارانونو او د سېلابونو د راوتلو اټکل کړی دی.
د ياد وزارت د هوا پېژندنې ادارې مسوولينو ويلي، دغه اټکل د يادو حوزو په “سمنګان، بغلان، کندز، تخار او بدخشان” ولايتونو کې شوی دی. مسوولينو په خپره کړې خبرپاڼه کې له هېوادوالو غوښتي، چې په يادو سيمو کې دې له هر ډول تګ او راتګ څخه ډډه وکړي.