د افغانستان کرکټ بورډ د چمپینز ټرافۍ(اتلانو جام) سیالیو لپاره ۱۸ کسیزه لوبډله ټاکلې ده.
ویل کیږي چې دا لوبې به د راتلونکې فبروري میاشتې په ۱۹ نېټه پیل شي، چې د مارچ میاشتې تر نهمې نېټې پورې به په پاکستان او متحده عربي اماراتو کې ترسره شي.
تمه ده په دې جام کې افغان لوبډله خپله لومړۍ لوبه د راتلونکې فبروري میاشتې په ۲۱مه د سویلي افریقا پر وړاندې ترسره کړي.
یاده دې شي چې افغان کرکټ بورډ دې لوبو کې د ښې ځلېدا په موخه د پاکستان پخوانی لوبغاړی یونس خان هم د لنډمهال لپاره د روزونکي په توګه ګومارلی.
افغان کرکټ بورډ چمپینز ټرافۍ ته لوبډله وټاکله
