د خوست د والي ویاند مستغفر ګربز رسنیو ته ویلي چې تمه ده د خوست د صبریو ولسوالۍ په زمبر سیمه کې یو ستر بند جوړ شي.
د نوموړي په وینا ددې بند د چارو له پیل سره به ګڼو کسانو ته د کار زمینه چمتو او په بشپړېدو سره به یې زرګونه جریبه ځمکه ښېرازه شي.
ښاغلي ګربز وړاندې ویلي چې په زمبر سیمه کې ددې بند د جوړونې ژمنه نن(شنبه، مرغومي ۲۹مه) د اوبو او انرژۍ سرپرست وزیر عبداللطیف منـصور د خوست له والي مولوي عبدالقیوم روحاني سره په کتنه کې وکړه.