غزني کې پر سلګونو اړمنو خوراکي توکي وېشل شوي

په غزنی کې پر (۳۸۵) تنو اړمنو کسانو خوراکي توکي وېشل شوي دي.
په یادو مرستو کې اوړه، وریجې، بوره، غوړي، لوبیا او نور خوراکي مواد شامل دي.
دا خوراکي توکي د یوه خیریه بنسټ او د غزنی د شهیدانو او معلولینو چارو ریاست په ګډې همکارۍ چمتو شوي وو.
د غزنی د شهیدانو او معلولینو چارو ريیس مولوي محمدانور برادر یتیمانو، کونډو او معلولینو ته د مرستو چمتو کولو په پار د یاد خیریه بنسټ له مسوولینو مننه کړې ده.