د امريکا ولسمشر ډونالډ ټرمپ د محافظه کارانو يوې غونډې ته د وينا پر مهال د اوکراين په اړه ویلي چې د امریکا له خوا مصرف شوې پیسې دې بېرته ورکړل شي.
نوموړي په خپلو خبرو کې ویلي چې اروپا ایله له اوکراین سره ۱۰۰ میلیارده خو امریکا په یوازې ځان اوکراین ته ۳۵۰ میلیارده ډالره ورکړي دي.
نوموړي په خپلو خبرو کې د جوبایډن اداره ناکامه او نوموړی یې احمق بللی دی.
ډونالډ ټرمپ په داسې حال کې یو ځل بیا له اوکراینه د خپلو لګول شویو پیسو غوښتنه کړې چې څو ورځې وړاندې د کییف له ګډون پرته سعودي عربستان کې د مذاکراتو په تړاو خبرې اترې پيل شوې وې.