امریکايي چارواکي رویټرز اژانس ته ویلي، امریکا پر روسیې د احتمالي بندیزونو د کمولو لپاره یو وړاندیز چمتو کړی دی.
رویټرز وړاندې لیکلي چې ډونالډ ټرمپ د ډيپلوماتیکو اړیکو د بیا رغولو او په اوکراین کې د جګړې د پای ته رسولو په اړه خبرې اترې کوي. سپینې ماڼۍ د بهرنیو چارو او خزانې ریاستونو ته لارښوونه کړې، چې د بندیزونو د نرمولو یو نوملړ چمتو کړي.
یاده دې شي چې د ډونالډ ټرمپ په مشرۍ د امریکا اوسنۍ اداره له روسیې سره د اړیکو د پراخونې او ګډ کار په هڅه کې ده.