څلور اروپايي هېوادونه د عربي هېوادونو له هغې طرحې سره یوځای شوي چې د غزې د بیارغونې په پار یې جوړه کړې ده.
الجزیرې خبر ورکړی، چې انګلستان، فرانسې، المان او ایټالیې په یوه ګډه اعلامیه کې ویلي چې د غزې په پار د عربي هېوادونو له طرحې هرکلی کوي.
ویل کیږي چې د مصر په نوښت، د غزې د بیارغونې لړۍ به ۳ پړاوونو کې بشپړه شي، چې ټولټال پرې ۵۳ میلیارده ډالره لګښت راځي.
اروپایي هېوادونه وروسته له هغې د عربي هېوادونو له طرحې هرکلی کوي چې د امریکا ولسمشر ډونالډ ټرمپ د غزې د اوسېدونکو د تبعید ګواښ کړی وو.