رويټرز د سعودي دولتي خبري اژانس (اېسپياې) د راپور له قوله ليکلي، چې د اوکراين ولسمشر ولوديمير زيلينسکي د سولې خبرو اترو په پار سعودي عربستان ته د خپل سفر په ترڅ کې د دې هېواد له وليعهد محمد بن سلمان سره کتلي دي.
په دې ناسته کې وليعهد د اوکراين د کړکېچ د حل او د سولې د ترلاسه کولو لپاره د نړيوالو هڅو د ملاتړ ډاډ ورکړی دی.
د راپور له مخې، واشنګټن هيله لري چې دا به د روسيې او اوکراين ترمنځ د جګړې د پای ته رسولو لپاره مهم پرمختګ رامنځته کړي.