د بلخ امنیه قومنداني رسنیز دفتر په یوه خبر کې ویلي چې امنیتي ځواکونو ددې ولایت په بلخ ولسوالۍ کې د ټابلېټ کا یوه کارخونه ویجاړه کړې ده.
امنیتي ځواکونو ددې کارخونې ۸ ماشینونه، ۱۹۰۰ د ټابلېټ کا ګولۍ او ۱۴۰ کیلوګرامه خام توکي هم نیولي دي.
ویل کیږي چې ددې کارخونې د فعالیت په تور ۳ تنه هم نیول شوي چې عدلي ارګانونو ته پېژندل شوي دي.
یاده دې شي چې ټول هېواد کې د نشه يي توکو کښت، جوړونه، پېر او پلور منع دی.