د هلمند د امنيه قوماندانۍ له جنايي جرمونو سره د مبارزې مدیریت مسوولینو له لوري د تېر کال په وروستۍ ربعه کې نیول شوې ۳۴ میله نظامي وسلې او تجهیزات ډایاک مدیریت ته سپارل شوي دي.
د امنیه قومندانۍ ویاند ملا عزت الله حقاني ویلي چې دا وسلې د مرکز لښکرګاه سربېره په یو شمېر ولسوالیو کې نیول شوي دي. د یادو وسلو پر تور د ۳۴ تنو سربېره ۱۶ تنه نور د جنایي جرمونو پر تور نیول شوي دي.
د هلمند امنیه قومانداني د هلمند له مېشتو ولسونو غوښتي چې د شکمنو کړنو په اړه امنیتي ځواکونو او یا د پولیسو ۱۱۹ وړیا شمارې ته خبر ورکړي. امنیه قومندانۍ همدارنګه ویلي چې هېچاته اجازه نه ورکوي، چې ناقانوني وسلې له ځانونو سره وګرځوي.
هلمند کې ګڼې وسلې او تجهیزات سپارل شوي
