د لوګر د کرنې او مالدارۍ ریاست مسوولینو ویلي چې ددې ولایت د مرکز په ګډون یې برکي برک، محمدآغې، خروار، څرخ او خوښۍ ولسوالیو کې د چنارونو ازمایښتې وده ارزولې ده.
د لوګر د ځایي مسوولینو په وینا، هر بزګر ته ۱۳۳۰۰ نیالګي رسېدلي او همدارنګه د بڼوالۍ اړین وسایل یې هم په واک کې ورکړي دي.
ورته مهال د لوګر مرستیال والي مولوي محمد انور دین پرور د هوا ککړتيا د مخنيوي په برخه کې د نيالګيو کېنول خورا اغیزمن کار بللی او د نوموړي په وینا، ددې نیالګیو په اېښودو به چاپېریال لا زرغون شي.
یاده دې شي چې د پسرلي موسم به راتلو په ټول هېواد کې د نیالګیو اېښودو کمپاین پیل شوی دی.