د قزاقستان د ریل پټلۍ ملي شرکت وایي، چې د ازبیکستان له لارې یې افغانستان ته د غلې دانې پر صادراتو ګمرکي تعرفه کمه کړې ده.
د قزاقستان رسنیو په راپور کې افغانستان ته د غلو دانو د صادراتو په ګمرکي تعرفه کې ۴۰ سلنه کموالی ښودل شوی دی.
دا په داسې حال کې ده، چې تر دې وړاندې په هر واګون ۴۰ ټنه غله، ۲۰۰ ډالره تعرفه اخېستل کېده؛ خو اوس دا کچه د پام وړ کمه شوې ده.
د یادونې وړ ده، چې په دې وروستیو کې د افغانستان او قزاقستان په ډیپلوماټیکو اړیکو سربېره سوداګریزو اړیکو کې هم د پام وړ پرمختګ شوی دی.