پاکستاني رسنۍ نیشن راپور ورکړی، چې افغانستان ته د پاکستان ترانزیټي سوداګري د روان مالي کال په لومړیو اته میاشتو کې د تېر مالي کال د همدې مودې په پرتله ۶۶ سلنه کمه شوې ده.
په ۲۰۲۲ او ۲۰۲۳ مالي کال کې د افغانستان د ترانزیټي سوداګرۍ ټول ارزښت ۷ میلیارد ډالره و؛ خو په ۲۰۲۳-۲۴ مالي کال کې دا رقم ۵۹ سلنه کم شوی، چې یوازې ۲.۸۸۷ میلیارد ډالرو ته راښکته شوی دی.
د معلوماتو له مخې، افغانستان د ترانزیټي سوداګري د تېر مالي کال د ورته مودې پرتله ۱.۴۸۹ میلیارده ډالره کمه شوې.
د ویلو ده، چې له پاکستان څخه د افغانستان واردات ډېر کم شوي او اوس افغانستان تر ټولو ډېر واردات له ایران څخه کوي.