د پنجشېر ولایتي مسوولینو ویلي چې د کوچني اختر په شپو ورځو کې له دې ولایت څخه شاوخوا ۲۵ زرو تنو ګرځندویانو کتنه کړې ده.
د یاد ولایت د اطلاعاتو او کلتور رییس مولانا نصرالله ملکزاده ویلي، چې په دې ولایت کې سیلانیانو ته اړینې اسانتیاوې برابرې شوي او په راتلونکي کې به یادې اسانتیاوې او امکانات لا پراخوي.
د پنجشېر سربېره نورستان، کونړ، پکتیا او نورو ولایتونو ته هم لسګونه زره هېوادوال د چکر په موخه تللي وو.
یاده دې شي چې د اختر درې شپې ورځې په ټول هېواد کې په ډاډمن امنیت او خوښۍ کې ونمانځل شوې.