د کار او ټولنیزو چارو وزارت رسنیو ته په یوه استول شوې خبرپاڼه کې ددې وزارت له لوري په پلازمېنه کابل او ولایتونو کې د دولتي ادارو د کارکوونکو د حاضرۍ د پلټنې خبر ورکړی دی.
دې وزارت لیکلي چې د کار د رژیم او د ریاست الوزراء د حکم پر اساس د کوچني اختر د رخصتیو له پای ته رسېدو سره سم یې د کارونو د ښه تنظیم په موخه د دولتي کارکوونکو د حاضرۍ پلټنه پیل کړې ده.
دې وزارت وړاندې لیکلي چې هېوادوالو ته د غوره چوپړ او په کارونو کې د نهځنډ په موخه یې دا لړۍ پیل کړې ده. یاده دې شي چې تېرې درې ورځې په ټول هېواد کې رسمي رخصتي وه چې یاده رخصتي نن(چهارشنبه، وري ۱۴مه) پای ته رسېدلې ده.