د چين د سوداګرۍ وزارت د امريکا له حکومه غوښتې، چې ژر تر ژره دې لګوشوې يو طرفه تعارفي لغوه کړي او دغه کړکېچ دې د خبرو له لارې حل شي.
ياد وزارت په يوه خبرپاڼه کې ويلي، چې بيجينګ د واشنګټن له دې اقداماتو سره مخالف دی او چين به د خپلو حقونو او ګټو د خوندي ساتلو لپاره متقابل اقدامات ترسره کړي.
دا په داسې مهال ده، چې د امریکا ولسمشر ډونالډ ټرمپ تېره ورځ د دې ترڅنګ چې پر ټولو وارداتي توکو ۱۰ سلنه تعرفه ولګوي، پر چيني توکو یې ۳۴ سلنه او پر اروپايي توکو یې ۲۰ سلنه تعرفه هم لګولې ده.