د امریکا پخواني ډيپلوماټ زلمي خلیلزاد د پاکستان واکمن نظام په دې هېواد کې د اوسني امنیتي، سیاسي او اقتصادي بحرانونو مسوول بللی دی.
نوموړي په خپل اېکس لیکلي، چې د پاکستان پخوانی لومړی وزیر عمران خان باید له بند څخه خوشې شي او ټينګار يې کړې، چې د تحریک انصاف ګوند، اوسني نظام او د حکومت اصلي لوبغاړو ترمنځ خبرې اترې وشي؛ ترڅو یوه سیاسي طرحه جوړه او د آزادو او عادلانه ټاکنو د ترسره کولو لپاره یو ځانګړی مهالوېش وټاکي.
د امريکا پخواني ډيپلوماټ زلمي خلیلزاد زیاته کړې، چې پاکستان بنسټیزو اصلاحاتو ته اړتیا لري.
په پاکستان کې دا مهال سیاسي او اقتصادي بېثباتي مخ په زیاتېدو ده، چې یو مهم لامل یې د تحریک انصاف ګوند او د پوځ ترمنځ ترینګلتیا ښودل کېږي.