د اسلامي امارت ویاند، ذبیح الله مجاهد هغه اوازې رد کړي چې ګوندې اوسمهال یوازې د اسلامي امارت د شهیدانو کورنیو او یتیمانو ته پیسې ورکول کیږي.
ښاغلي مجاهد ویلي چې په ټول هېواد کې ۶۵۳۲۶۵ تنه یتیمان، کونډې او معولین شته چې ټولو ته یې پر وخت کلنۍ پیسې ورکول کیږي.
نوموړي وړاندې زیاته کړې چې له دې ډلې ۱۶۷۶۶۵ د امارت اړوند یتیمان، کونډې او معلولین دي او همدارنګه ۱۲۲۲۹۹ تنه د تېرې ادارې د عسکرو او پولیسو کونډې، یتیمان او معولین ثبت شوي.
ښاغلي مجاهد ویلي چې تېر کال دغو کسانو ته دولس نیم میلیارده افغانۍ بودیجه ځانګړې شوې شوې وه.
یاده دې شي چې د جګړو سربېره مورذاتي معیوبینو ته هم کلني حقونه ورکول کیږي.