د اسراييلو صهيونېست رژيم تېره ورځ پر غزې هوايي بريدونه کړي، چې په پايله کې ۷۷ فلسطينيان شهيدان شوي او ډېر شمېر نور ټپيان شوي دي.
الجزيزه شبکې د راپور له مخې، په ورته وخت کې ياد رژيم د سوريې پر دمشق او حما ښارونو هم هوايي بريدونه کړي، چې له امله يې ۱۱ تنو خپل ژوند له لاسه ورکړی دی.
د اسراييلو صهيونېست رژيم له ۲۰۲۳ زېږديز کال راپدې خوا پر غزې سخت بريدونه پيل کړي، چې په پايله کې يې لسګونه زره فلسطينيان شهيدان او ټپيان شوي، زرګونه کورونه نړېدلي او ميليونونه کسان له خپلو سيمو بېځايه شوي دي.