د رياستالوزراء اقتصادي مرستيال ملا عبدالغني برادر اخوند په مشرۍ د اقتصادي کمېسيون نوبتي ناسته په مرمرينه ماڼۍ کې ترسره شوه.
اقتصادي معاونيت وايي، چې د يادې ناستې په ترڅ کې ښاغلي برادر په هرات کې د “بام هرات” تفريحي کمپلکس د جوړولو طرحه تائيد کړې ده.
دې ناستې ته په “بام هرات” تفریحي کمپلکس جوړولو طرحې سربېره پر وسپنې ویلې کوونکو فابریکو د دولتي داغمهجاتو د وېش او پلور، د بدخشان ولایت د وېکادور سرو زرو کان د تړون او دغه راز یوشمېر نور تعقیبي موضوعات وړاندې شوي وو.
دغه راز په دې ناسته کې ماليې وزارت ته دنده سپارل شوې، چې د وسپنې ويلې کوونکو شرکتونو سره پخواني حسابونه تصفيه او هغه شرکتونه، چې پوروړي دي خپل پورنه تاديه کړي.