د میانمار دولتي رسنیو ویلي، چې په دې هېواد کې د وروستۍ زلزلې له امله د وژل شویو کسانو شمېر ۳زره او ۴۹۰ تنو ته رسېدلی او ۴۸۵۰ تنه نور ټپیان شوي دي.
د راپورونو پر بنسټ، ددې زلزلې ۲۲۰ قربانیان لا هم تري تم دي.
راپورونه زیاتوي چې د میانمار هېواد د پلونو، سړکونو، هوايي ډګرونو او پټلیو ډېرې مهمې زېربناوې ویجاړې شوې دي.
د یادونې ده چې د میانمار په مرکزي سیمو کې د ۷.۷ درجې زلزلې زرګونه تنو ته مرګ ژوبله اړولې ده.