د ننګرهار وادي کرنيز شرکت وايي، چې سږکال به د ننګرهار کانال په څلورګونو فارمونو کې له کښت شويو غنمو څخه د پام وړ حاصلات راټول شي.
د دې شرکت مسوولين وايي، چې د روان کال د مناسب اقليم، پر وخت او منظمو کرنیزو چارو، او د ناروغیو او افتونو د نشتوالي له امله، سږنی فصل تر پخوا ښه ښکاري.
د مسوولينو په وينا، په ۱۴۰۳ کال کې چې رفع حاصل به يې په روان ۱۴۰۴ کال تر لاسه شي، په څه د پاڅه ۱۵۰۰ جریبه ځمکه يې غنم کښت کړي دي.
د يادونې وړ ده، د ننګرهار وادي کرنیز شرکت فارمونه چې د غنمو د تولید مهم مرکزونه ګڼل کېږي، د دې ولايت په کرنیز اقتصاد کې ځانګړی ارزښت لري.