د امريکا د متحده ايالتونو د ولسمشر ډونالډ ټرمپ په وړاندې زرګونه لاريون کوونکي په واشنګټن ډي سي او د امريکا په ګوټ ګوټ کې راټول شوي دي.
د رويټرز راپور له مخې، دا لاريونونه وروسته له هغې پيل شوي چې ډونالډ ټرمپ او د نوموړي د شتمن ملاتړي ايلون ماسک د حکومت د جوړښت د چټکو بدلونونو او د ولسمشرۍ صلاحيتونو د پراخېدو هڅه يې وکړه.
د ويلو ده، چې ډونالډ ټرمپ د دويم ځلي واک ته د رسېدو پر مهال د سیاسي دریځونو، د رسنیو پر وړاندې سخت دريځي او د چارواکو د ګومارنې او برطرفۍ بېسابقه تګلارې هغه پرېکړې وې، چې د ډېرو نیوکو لامل شوې.