د خوست مقام دفتر ویلي چې ددې ولایت د کرنې، اوبو لګولو او مالدارۍ ریاست د کرنیزو چارو آمریت اړوند د غلام خان بندر د نباتي قرنطین مدیریت کارکوونکو د خوسا او بې کیفیته کچالانو د واردېدو مخنیوی کړی دی.
د خوست ځایي مسوولینو له سوداګرو غوښتي، چې باکیفیته محصولات دې هېواد ته وارد شي؛ تر څو هېواوال پاکو او روغتیایي توکو ته لاسرسی ومومي.
یاده دې شي چې تر دې دمخه هم د پاکستان له لوري د بې کیفیته توکو د واردېدو مخنیوی شوی دی.