د هرات ولايت د برېښنا مسوولين وايي، چې د سلما بند درې واړه توربینونه په بشپړه او نورماله توګه فعاله او له برېښنا شبکې سره نښلول شوي دي.
د ياد ولایت د مقام ویاند مفتي محمد یوسف سعیدي ویلي، دا مهال د سلما بند د برېښنا تولید ټولیز ظرفیت ۳۴ میګاواټه دی، چې د هرات ولایت د اړتیا وړ انرژۍ په برابرولو کې مرسته کوي. نوموړی د ياد بند د برېښنا ښه والی د ځايي ادارې اغيزمنه همکاري بولي او زياته وي، چې يادې هڅې به دوامداره وي.