د امريکا د دفاع وزارت (پنټاګون) يوه چارواکي د فرانسې له خبري آژانس سره په خبرو کې هغه ادعاوې رد کړې، چې ګواکې يوې امريکايي الوتکې د بګرام په هوايي ډګر کې ناسته کړې ده.
د پنټاګون دغه چارواکي ټينګار کړی، چې دا مهال متحده ايالتونه په بګرام کې هېڅ ډول پوځي حضور نه لري. دا په داسې مهال ده، چې د اسلامي امارت وياند مولوي ذبيحالله مجاهد هم تر دې وړاندې ورته راپورونه رد کړي او ويلي یې و، چې په افغانستان کې د امريکا پوځي حضور امکان نهلري.