اکسيوس د خپلو سرچينو په حواله ويلي، چې د امريکا او ايران ترمنځ د خبرو اترو دويم پړاو به د شنبې په ورځ په روم کې وشي.
دغې سرچينې په عمان کې د امريکا متحده ايالتونو د ولسمشر د ځانګړي استازي سټيو ويټکاف او د ايران د بهرنيو چارو د وزير عباس عراقچي ترمنځ خبرې اترې مهمې، جدي او غوره بللې دي.
داسې هم ويل شوي، چې ايران بايد د اټومي وسلو له ترلاسه کولو ډډه وکړي.
دا په داسې مهال ده چې تر دې وړاندې ويل شوي و، که د دواړو هېوادونو ترمنځ لومړۍ ناسته د پايلې وړ وي؛ نو د مذاکراتو دغه لړۍ به دوام پيدا کړي.