د یمن د وسله والو ځواکونو ویاند یحیی سریع ویلي، چې ځواکونو یې په پلازمېنې صنعا کې یوه بله امریکایي الوتکه هم وېشتې ده.
د نوموړي له قوله، دا په تېرو ۲۴ ساعتونو کې دویمه او د روانې میاشتې په لړ کې شپږمه الوتکه ده، چې نسکوریږي.
جنرال سریع وړاندې زیاته کړې چې پر یمن د امریکا بریدونه به یې په ارادو کې توپیر رانه ولي.
هغه زیاته کړه، د یمن پوځ به تر هغه خپلو عملیاتو ته دوام ورکړي، ترڅو چې پر غزې یرغل او محاصره پایته نه وي رسېدلې.