د امريکا متحده ايالتونو ولسمشر ډونالډ ټرمپ د کريميې ټاپووزمې له روسيې سره د يو ځای کېدو په تړاو د اوکراين د ولسمشر ولاديمير زلنسکي مخالفت ته غبرګون ښودلی دی.
د زلنسکي له مخالفت وروسته ډونالډ ټرمپ خبرداری ورکړی، چې ممکن د اوکراين جګړې د پای ته رسېدو لپاره له پيل شويو خبر اترو تېر شي.
په ورته مهال د امريکا ولسمشر مرستيال جيډي ونس هم د ټرمپ ورته خبرداری تکرار کړی او زياته کړې ده، که روسيه او اوکراين د امريکا د سولې وړاندې ونه مني؛ نو متحده ايالت به له دې بهير تېر شي.