د اوزبيکستان يوه لوړپوړي پلاوي افغانستان ته د خپل سفر په ترڅ کې د بلخ کرنيزو ځمکو په کښت کې د نويو مېتودونو ازموينه پيل کړه.
د کرنې، اوبو لګولو او مالدارۍ وزارت د کرنې ریاست د غلو او دانو د پراختیا رییس مولوي مصباحالدین مستعین وايي، دغه پلاوی به له افغان څېړونکو سره د وريجو او پنبې د کښت تجربې شريکې کړي .
د ښاغلي مستعين په وينا، ياد پلاوي د کرنې برخې له ځينو توليدي کارخونو هم ليدنه کړې او په دې لړ کې يې له يو شمېر شرکتونو سره تړونونه هم لاسليک کړي دي.
د ويلو ده، چې په دې پلاوي کې د ياد هېواد د کرنې، اوبو او برېښنا وزارتونو استازو هم ګډون کړی دی.