د سعودي عربستان د بهرنیو چارو وزیر له غزې د فلسطینیانو د بې ځایه کولو مخالفت کړی او غزه کې یې پر اوربند راوستلو ټینګار کړی دی.
نوموړي په غزه کې له ناوړه بشري وضعیت سر ټکولی او غزه کې یې د صهیونېست رژیم له لوري هوایي بریدونه د ملګرو ملتونو له منشور او له نړیوالو قوانینو ښکاره سرغړونه بللې ده.
د سعودي عربستان د بهرنیو چارو وزیر دغه څرګندونې داسې مهال کړي، چې تازه د امریکا ولسمشر ډونالډ ټرمپ پر داسې طرحې کار پیل کړی چې له مخې به یې فلسطینیان په نورو هېوادونو کې مېشت کړي.