ماليې وزارت به راتلونکې اوونۍ د دولتي کارکوونکو د وري او غويي مياشتو د معاشونو د ورکړې لړۍ پيل کړي.
سرچينو د ياد وزارت په حواله ويلي، چې د معاشونو د ورکړې دا لړۍ به له ټولو وزارتونو او دولتي ادارو سره په همغږۍ تر سره شي. د ماليې وزارت د معاشونو د ورکړې لړۍ په داسې مهال پيلېږي، چې د اسلامي امارت زعيم اميرالمؤمنين حفظهالله له لوري د روان مالي کال بوديجه توشيح او اړوند وزارتونو د بوديجې ځانګړي کول پيل شول.