د کډوالو او راستنېدونکو چارو وزارت د روانې مياشتې په لومړۍ او دويمه د پاکستان له زندانونو د ۲۸۷ افغان بنديانو له راخوشې کېدو او خپل هېواد له راستېدو خبر ورکړی دی.
ياد وزارت د سپين بولدک او تورخم امریتونو د معلوماتو له مخي ويلي، چې دغه کسان د اسنادو په درلودو سربېره د پاکستان په بېلابېلو سيمو کې نيول شوي او له يوې ورځې تر ۱۰ ورځو پورې په بندخونو کې ساتل شوي وو. د ويلو ده، چې د نوم لیکنې او بشري مرستو د ترلاسه کولو وروسته یاد کسان خپلو اصلي مېنو ته لېږدول شوي دي.