پاکستاني رسنیو خبر ورکړی چې د پنجاب صادقاباد سیمې څخه کوېټې ته په لاره د مسافروړونکي بس موټر د چپهکېدو له امله څلور کسان مړه او ۲۸ نور ټپیان شوي دي.
د راپورونو له مخې چې په دې پېښه کې دوو ماشومانو هم ژوند بایللی او د یو شمېر ټپیانو روغتیايي حالت نازک ښودل شوی دی.
د پاکستاني رسنیو په راپورونو کې د دې پېښې لامل د چلوونکي بېاحتیاطي ښودل شوې او ویل شوي چې په ټپیانو کې ډېر شمېر ښځې شاملې دي.
تر دې مخکې هم په پاکستان کې د بس موټرو د چپهکېدو له امله د ښځو او ماشومانو په ګډون لسګونه کسانو ژوند بایللی دی. د ویلو ده چې له تېرو څو کلونو راهیسې د پاکستان ترڅنګ په افغانستان کې هم ترافیکي پېښې په کمسارې توګه زیاتې شوې چې ستر لاملونه یې د چلوونکو بېاحتیاطي، ګړندی تګ او د ترافیکي اصولو نهمراعاتول بلل کېږي.