د افغانستان لپاره د امريکا پخواني ځانګړي استازي زلمي خليلزاد د اسلامي امارت د یوه لوړپوړي پلاوي له سفر وروسته ویلي، چې اوزبيکستان له افغانستان سره د اقتصادي او سوداګریزو اړیکو د پراخولو اراده لري.
نوموړي پر خپله اېکسپاڼه د اوزبيکستان د ولسمشر او د اسلامي امارت د پلاوي، چې مشري یې د صنعت او سوداګرۍ وزارت سرپرست نورالدين عزيزي کوي، د لیدنې یو انځور هم خپور کړی دی. یاد پلاوي د «تاشکند په نړیوال کنفرانس» کې د ګډون په موخه، د غبرګولي په ۱۹مه نېټه اوزبيکستان ته سفر کړی و.