د فلسطین روغتیا وزارت وایي چې په غزه کې د صهیونیستي رژیم په تازه هوايي بریدونو کې ۵۱ فلسطینیان شهیدان او له ۲۰۰ ډېر نور ټپیان شوي دي.
اسوشیتډپرس خبري اژانس د غزې د یو سیمهییز روغتون د مسوولینو په حواله راپور ورکړی چې دا کسان د بېړنيو خوراکي مرستو ترلاسهکولو ته منتظر وو چې د صهیونیستي رژیم تر برید لاندې راغلي دي.
په راپور کې ویل شوي چې اسراییلي ځواکونو لومړی د دې سیمې تر څېرمه پر یو کور هوایي برید کړی او وروسته یې په جنوبي ښار، خانیونس کې د خلکو پر ګڼېګوڼې ډزې کړې دي.
بلخوا د صهیونیست رژیم ځواکونو تر اوسه د دغو تازه بریدونو په اړه څه نه دي ویلي. د یادولو ده چې د اسراییلو صهیونیستي ځواکونو وخت ناوخت په غزه کې ملکي وګړي په نښه او شهیدان کړي دي.