د هند لومړی وزیر «نریندرا مودي» د ایران له ولسمشر، مسعود پزشکیان سره پر روان وضعیت ټلفوني غږېدلی دی.
مودي د ایران ولسمشر ته پر روان تاوتریخوالي او سیمې ته د جګړې پر پراخېدو اندېښنه څرګنده کړې، او په اېکسپاڼه یې لیکلي چې دوی د خبرو اترو او ډیپلوماتیکو لارو د روان کړکېچ د پایتهرسېدو غوښتنه کوي.
نن سهار امریکا د ایران پر اټومي تاسیساتو بریدونه وکړل چې د سپاه پاسداران په ګډون یې د ایراني چارواکو غوسه او د نړۍ د هېوادونو اندېښنې راپارولي دي.
د هېوادونو مشرانو له ښکېلو غاړو غوښتي چې د روانې جګړې د پراخېدو مخه ونیسي او ستونزې د خبرو له لارې حل کړي.
د ویلو ده چې پر ایران د امریکا نننیو بریدونو ته په نږدې ټولو غبرګونونو کې د امریکا دغه اقدام غندل شوی او د ملګرو ملتونو له منشور او نړیوال قانون ښکاره سرغړونه بلل شوې ده.