غزني؛ دوو ورځو کې څلور ټرافیکي پېښې رامنځته شوي

د غزني امنیه قومندانۍ رسنيز دفتر ویلي چې پرون او نن په دې ولایت کې ۴ ټرافیکي پېښې رامنځته شوي چې مرګ ژوبله هم لري.
دا ټرافیکی پېښې د کابل ـ کندهار پر لویه لار، ګیلان، غزني ښار او ګېرو ولسوالۍ کې رامنځته شوي دي.
یادو څلورو پېښو کې دوو ماشومانو او د پاسو یو موټروان خپل ژوند له لاسه ورکړی دی.
یاده دې شي چې دې پېښو ته امنیتي ځواکونو پر وخت ځانونه رسولي او له زیانمنو سره یې مرستې کړي دي.