د اسلامي امارت له بیاځلي واکمنېدو وروسته په بلخ کې د یو خصوصي شرکت مسوولینو په لومړي ځل انګلستان ته د کورنیو تولیداتو د صادرولو خبر ورکړی دی.
د یاد شرکت مسوولینو امید راډیو ته ویلي چې په دې بار کې د ۳۰ زره امریکايي ډالرو په لګښت ۲۱ ټنه د ځان وینځلو صابون او د لوښو وینځلو شامپو شامل دي چې د انګلستان پلازمېنې لندن ته صادرېږي.
بلخوا د بلخ د صنعت او سوداګرۍ مسوولینو انګلستان ته په لومړي ځل د کورنیو تولیداتو صادرول د ټول افغان خصوصي سکټور لپاره د نوي فصل د پیلولو په مانا بللي او د هېواد له ټولو صنعتکارانو یې غوښتي چې په لوړ کیفیت تولیدات ولري.
د ویلو ده چې د وینځونکو توکو دغه تولیدي شرکت خپل تولیدات تر دې مخکې خپل تولیدات ازبکستان او تاجکستان ته صادرول، خو دا لومړی ځل چې خپل تولیدات یو اروپايي هېواد ته صادروي.
له بلخ څخه په لومړي ځل کورني تولیدات انګلستان ته صادرېږي
