د لوګر عامې روغتیا ریاست په یاد ولایت کې د مور او ماشوم خدماتو لپاره د ۳۲٫۵ میلیون افغانیو په لګښت د پنځو روغتیایي مرکزونو یا FHH د پرانیستلکېدو خبر ورکړی دی.
یاد ریاست امید راډیو ته په رالېږلې خبرپاڼه کې ویلي چې دا روغتیايي مرکزونه د عامې روغتیا د سرپرست وزیر، مولوي نور جلال جلالي له لوري پرانیستل شوي دي.
د خبرپاڼې له مخې، په دې تړاو جوړ شویو مراسمو کې مولوي نور جلال جلالي د دغو پنځو روغتیایي مرکزونو فعالیت د لوګر ولایت د میندو او ماشومانو په روغتیايي برخه کې مثبت او ګټور بللی دی.
بلخوا په دې مراسمو کې په افغانستان کې د ملګرو ملتونو د وګړو مالي صندوق یا UNFPA)) عمومي مشر «کوابین تا اسنتې» ژمنه کړې چې د مرستندویه هیوادونو په مالي ملاتړ به لوګر کې نور روغتیايي مرکزونه هم جوړوي.
یاد روغتیايي مرکزونه د UNFPA نړیوالې ادارې په مالي ملاتړ په څرخ، ازره، برکي برک، خروار، او پل علم ولسوالیو کې جوړ او پرانیستل شوي دي.
د ویلو ده چې د دغو روغتیايي مرکزونو په پروژه ټول ټال شاوخوا ۳۲٫۵ میلیون او په هره ځاله شاوخوا شپږ میلیون افغانۍ مصرف شوې دي.
لوګر ولایت کې پنځه روغتیایي مرکزونه ګټېاخیستنې ته سپارل شوي
