د بهرنیو چارو سرپرست وزیر، مولوي امیرخان متقي او د روسیې بهرنیو چارو وزیر «سرګئي لاوروف» په ټلفوني خبرو کې د سیاسي اړیکو پیاوړتیا، اقتصادي همکاریو پر پراختیا او سیمهییزو مسایلو خبرې کړې دي.
په دې کتنه کې مولوي امیرخان متقي د روسیې له لوري د ا.ا په رسمیت پېژندل د دواړو هېوادونو په اړیکو کې مهم بدلون، او په نړیواله ټولنه کې د افغانستان دادغام لپاره یو بېساری ګام بللی دی.
د بهرنیو چارو وزارت د خبرپاڼې له مخې چې په دې مکالمه کې دنشهیي توکو پر ضد د مبارزې، سیمهییزو پروژو او ټرانسپورتي دهلیزونو په برخه کې د همکاریو پر اهمیت هم ټینګار شوی دی.
بلخوا د روسیې د بهرنیو چارو وزیر له ا.ا سره د تعامل د لاپراختیا لپاره مولوي امیرخان متقي ته د مسکو فارمټ په راتلونکې غونډه کې د ګډون رسمي بلنه ورکړې ده.
په خبرپاڼه کې د روسیې د بهرنیو چارو وزیر په حواله ویل شوي: “د ا.ا.ا. رسمیت پېژندنه په سیاسي، اقتصادي او نړیوالو همکاریو کې د دواړو هېوادونو تر منځ بېمخینې فرصتونه رامنځته کړي دي، چې په نږدې راتلونکي کې به یې د عملي نتایجو شاهدان اوسو.”