کورنیو چارو وزارت وايي، نیمروز کې ۲۱۶ کسان له نشې تر رغېدو وروسته خپلو کورنیو ته سپارل شوي دي.
د وزارت په خبرپاڼه کې لیکل شوي چې د دغو کسانو درملنه د نیمروز په ۱۰۰۰ بستریز روغتون شوې، او د ټاکلشوي پلاوي په شتون کې خپلو کورنیو ته سپارل شوي دي.
د کورنیو چارو وزارت د خبرپاڼې له مخې چې له ۲۱۶ له نشې رغېدلي د روغتون د داخلي ډاکترانو له تایید وروسته له روغتون را ایستل شوي دي.
تر دې مخکې هم د پلازمېنې کابل په ګډون په ځینو ولایتونو کې په نشهيي توکو سلګونه کسانو درملنه شوې وه.
د اسلامي امارت له بیاځلي واکمنېدو وروسته په ټول هېواد کې په نشهيي توکو د روږدو کسانو د راټولولو پروسه پیل شوه او همداراز د هر ډول نشهيي توکو پر هر ډول کاروبار کلک بندیز ولګېد.
د ویلو ده چې د نشهيي توکو پر کاروبار د بندیز په دوام، له تېرو دریو کلونو راهیسې د دغو توکو لسګونه کارخونې هم له منځه وړل شوې دي.
له روږدتیا تر روغتیا؛ نیمروز کې سلګونه کسان له درملنې وروسته کورنیو ته سپارل شوي
