هند او چین د مستقيمو الوتنو او سرحدي سوداګرۍ د بیا پيل پر سر هوکړې ته رسېدلي

هند او چین د مستقيمو الوتنو په بیا پیل او د سوداګرۍ او پانګونې پر پراختيا هوکړه کړې ده.
د هند بهرنيو چارو وزارت ويلي، دغه پرېکړه نوي ډیلي ته د چین د بهرنیو چارو وزیر «وانګ یي» د دوه ورځني سفر پر مهال شوې ده.
دواړو هېوادونو دغه راز هوکړه کړې چې په درېیو ځانګړو لارو کې سرحدي سوداګري بیا پیل او د ویزو بهیر اسانه کړي.
د ياد وزارت په وینا، د همالیا له پولې د ځواکونو د وتلو او د پولې د ټاکلو په اړه خبرې هم روانې دي.