د امریکا د لوېزيانا ایالت په سوېل ختیځ کې د موټرو پرزو جوړونې په یوې کارخونه کې چاودنه شوې چې له امله یې قوي اور بل شوی دی.
تر اوسه د اور د زیانونو دقیق راپور نه دی ترلاسه شوی، خو چارواکي د پېښې ځای ته رسیدلي او د اور وژنې هڅې کوي.
ایالتي او فډرالي ادارې په ځانګړي توګه د کيمياوي موادو د احتمالي زيان په تړاو اندېښمنې دي.
چارواکو خلکو ته سپارښتنه کړې، چې د اور له خپرېدو او احتمالي خطرونو څخه د خونديتوب لپاره له سیمې لیرې پاتې شي.