د پنجاب د پوهنې وزیر رانا سکندر حیات ویلي، د سېلابونو له امله په دغه ایالت کې تر درې زره ډېر ښوونځي ویجاړ شوي چې د زرګونو زدهکوونکو تعلیم یې سخت اغېزمن کړی دی.
هغه دا څرګندونې د پاکستان لپاره د ملګرو ملتونو د ماشومانو د ملاتړ ادارې (یونېسف) له استازې پرنیل اېرنسايډ سره د لیدنې پر مهال کړې دي. دا په داسې مهال ده، چې پاکستان په تېرو کلونو کې د سختو طبیعي افتونو لکه سېلابونو له امله پراخې ستونزې تجربه کړې دي.