د صنعت او سوداګرۍ وزارت مالي او اداري مرستیال، مولوي شهابالدین ثاقب د ایران د کرنې وزارت له مرستیالې، مریم جلیلي مقدم او مل پلاوي سره په کتنه کې پر بېلابېلو سوداګریزو موضوعاتو خبرې کړې دي.
د دغه وزارت د خبرپاڼې له مخې چې په دې کتنه کې د افغان او ایراني چارواکو ترمنځ ایران ته د پنبې او نورو کرنیزو محصولاتو د صادراتو پر زیاتوالي خبرې شوې دي.
سرچینې لیکلي چې په دې کتنه کې همداراز د ګمرکي او ټرانسپورټي اسانتیاوو د کیفیت معیار پر لوړولو هم بحث شوی دی.
د ویلو ده چې په وروستیو کې د صنعت او سوداګرۍ وزارت له پاکستان سره د سوداګریزو لارو تر تړلکېدو وروسته د ایران په ګډون له یو شمېر هېوادونو سره د سوداګریزو اړیکو د پراختیا هڅې پیل کړې دي.
افغان او ایراني چارواکو ایران ته د کرنیزو محصولاتو د صادرولو په اړه خبرې کړې
